Or himmelhøgd gjekk Ordet ut (LH458)
.png)
1Or himmelhøgd gjekk Ordet ut, / men ikkje burt frå Faderfamn; / i riket sitt han gav oss lut, / fyrr heim han fór til himmelhamn.
2På ferdi si til kross og grav, / av venen sin til fiend seld, / seg sjølv som livsens brød han gav / til flokken sin den siste kveld.
3Han gav sin lekam og sitt blod / til føda for kvar hungrig sjel, / so mannen skapt i dette to / skal livet få og verta sæl.
4Som mannsens barn han vart vår bror, / og føda vår på nattverdsbord; / og offerlammet vårt på jord / i Himmerik vert løn so stor.
5Du eine, sanne offerlam / som opnar himmeldør for oss, / fri oss frå ufred, krig og skam, / ver styrken vår i naud og kross!
6Trieining, du vår store Gud, / i deg me livsens lukke fann. / Lat oss ditt lov i heilagt skrud / få syngja i vårt fedreland! Amen.
