Av fattig jord i Nasaret (LH576)

    Tekst: Anders Hovden    Melodi: Tysk folkevise ca 1500 / Nürnberg 1530

1Av fattig jord i Nasaret / veks Jesu mor av Davids ætt / som minste blom på vangen. / Ho kjenner ei sitt eige verd, / um enn ho breider på si ferd / den fine blommeangen.

2Just slik ei sjel til kvar ei tid / kan Jesus Kristus fødast i, / kan Anden yverskyggja. / For slik ei sjel er Kristi brud, / der er det hjarterom åt Gud, / der kan han bu og byggja.

3Då fær ho lov av englemunn. / Ho takkar Gud av hjartans grunn, / som ei den ringe gløymer. / Ho tenkjer glad på folket sitt, / no skal det verta frelst og fritt, / og stort ho um det drøymer.

4Og Davids dotter sjeleglad / ho åt sin Gud og Fader kvad / ei herleg lovsongsvisa. / Og kristne folk på all vår jord / skal signa Jesu Kristi mor / og høgt Guds nåde prisa!